Berriaren erreportajea: helduen alfabetatze eta euskalduntzea

Martxoak 28an, <<Bultza euskaltegiak, bultza euskara>> ekimenaren aitzakian, Berria egunkarian igandeko atalalaren gai nagusian euskaltegiei ekaini zien. Bertan Helduon Euskalduntze eta Alfabetatzearen egoeraren azterketa sakona egin zuten: ibilbidea, iritziak, euskara ikastea eta doakotasuna, testigantzak...

Albistea irakurri nahi baduzue, egin klik titularrean.

• Baliabide gehiago euskaltegietarako

  AEK, IKA eta HABE euskaltegien sareetako arduradunek gogoeta egin dute orain arteko bidean    euskaltegiek egin duten ekarpenaz, baina baita etorkizunera begira dituzten erronkez ere.

• Euskaltegiak motor berrien bila (Lander Muñagorri Garmendia)

Euskararen biziberritzean motor garrantzitsua izan dira euskaltegiak, ehunka milaka pertsonak ikasi dutelako euskara bertan. Baina ikasleen soslaia aldatu da, eta tituluak lortzea lehentasun bihurtu den heinean aldatu da irakaskuntza metodoa. Euskaltegien bigarren loraldiaren beharra aldarrikatu dute.

• Baliabide gehiago, motibazio ezberdina (Maddi Ane Txoperena Iribarren)

Lurdes Gauna eta Bea Salaberri 1970eko eta 1990eko urteetan hasi ziren euskara klaseak ematen, Gueñesen eta Baionan. Jarduna profesionalizatzen ikusi dute, materiala hobetzen, baina aldi berean baita irakasleen militantzia apaltzen ere.

• Doakotasuna ulertzeko modu ezberdinak (Lander Muñagorri Garmendia)

Euskara doan ikasteko pausoak eman diren arren, ez dago adostasunik bide horren inguruan. Jaurlaritzak gutxieneko maila batzuen doakotasuna laguntzen bidez bermatzen du.

• Oinarrizko mailan ere doakoa (Igor Susaeta)

Kataluniako instituzio publikoetan katalana hastapen mailan ikastea doan izan da beti, eta, iaztik, oinarrizko mailan ere ez da sosik ordaindu behar. Hautu politiko horren onurak nabarmendu dituzte.

• Aditzak trago artean (Maddi Ane Txoperena Iribarren)

Zio politikoengatik ikasi zuen euskara batak, Euskal Herriko kulturara hurbiltzeko bertzeak, baina biek barneratu dute hobekien harremanen bidez. Ikasleen bi belaunaldi elkartu ditu BERRIAk, Josu Aldamak eta Alba Rodak gorpuztuak.