Sexologia eta euskara saio entretenigarri batean

    Aste honetan Plax sexologia zerbitzukoekin tailerra izan dugu goizeko eta arratsaldeko taldeetan. 

 

Zerbitzuaren berri emateaz gain, lanketa parte hartzailea egin genuen. Jolasaren bidez, zentzumenekin harremanetan jartzen saiatu ginen, bisualizazio ariketatxo bat eginda, gure biografia erotikaren ikuspuntutik. Horrez gain, sexologiaren baitako aniztasunaz eta estereotipoez aritu ginen, eta aukera izan genuen zalantza eta bestelakoak argitzeko.

 

Benetan saio interesgarria eta entretenigarria, eta nola ez, euskara hutsean. Eskerrik asko bisitagatik!

Gogora dezagun Plax! Sexologia zerbitzuak sexu eta bikote aholkularitza eskaintzen duela eta nahi duen orok baliatu dezakeela. Gainera, doakoa da.